उपसंपादक :-मिलिंद जंजाळे
राज्य प्रशासनात मोठी घडामोड घडत असून जळगाव जिल्हा परिषदेच्या मुख्य कार्यकारी अधिकारी (CEO) पदावर कार्यरत असलेल्या मिनल करनवाल यांची बदली करण्यात आली आहे. त्यांच्या जागी करिश्मा नायर यांची नव्याने नियुक्ती करण्यात आली असून त्या आता जळगाव जिल्हा परिषदेच्या नव्या CEO म्हणून पदभार स्वीकारणार आहेत.
मिनल करनवाल यांनी आपल्या कार्यकाळात विविध विकासकामांना गती देत प्रशासनात ठसा उमटवला होता. त्यांच्या बदलीमुळे जिल्ह्यातील प्रशासकीय वर्तुळात चर्चांना उधाण आले आहे. दरम्यान, करिश्मा नायर या अनुभवी व गतिमान अधिकारी म्हणून ओळखल्या जात असून त्यांच्या नियुक्तीमुळे जिल्हा परिषदेला नवे नेतृत्व मिळणार आहे.
नव्या CEO म्हणून करिश्मा नायर यांच्यासमोर जिल्ह्यातील प्रलंबित विकासकामे पूर्ण करणे, ग्रामीण भागातील योजना प्रभावीपणे राबवणे आणि प्रशासन अधिक गतिमान करण्याचे मोठे आव्हान असणार आहे.
दरम्यान, या बदलामुळे जळगाव जिल्ह्यातील राजकीय आणि प्रशासकीय समीकरणांमध्येही काही प्रमाणात बदल होण्याची शक्यता वर्तवली जात आहे.
