अहिल्यानगर/ प्रशांत बाफना
सावेडी, अहिल्यानगर शहरामध्ये घरफोडी चोरी करणारा सराईत आरोपींकडुन 19,42,475/- रुपये किमतीचा मुद्देमाल हस्तगत, स्थानिक गुन्हे शाखा अहिल्यानगरची कारवाई
प्रस्तुत बातमीची हकीगत अशी की, दिनांक 13/12/2025 रोजी सायंकाळी 06.00 वा ते दिनांक 16/12/2025 रोजीचे 12/00 वा.चे दरम्यान फिर्यादी हे कुटुंबासह जयपुर येथे नातेवाईकांचे कार्यक्रमास गेले होते त्यादरम्यान कोणीतरी अज्ञात चोरट्याने फिर्यादीचे राहते घराच्या मागील दरवाजाचे लोॅक कशानेतरी तोडुन आत प्रवेश करुन घरामध्ये ठेवलेले 14,75,000/-रु किमतीचे सोने, डायमंड, चांदी व रोख रक्कम चोरुन नेले आहे. सदर घटनेबाबत फिर्यादी श्री अशोककुमार विजयकुमार अग्रवाल रा. बंगला क्र.06 विराज कॉलनी, सावेडी, अहिल्यानगर यांनी दिलेल्या फिर्यादीवरुन तोफखाना पोलीस ठाणे गु.र.नं. 1191/2025 भारतीय न्याय संहिता 2023 चे कलम 331(3), 331(4), 305(अ) प्रमाणे गुन्हा दाखल करण्यात आलेला आहे.
मा. श्री सोमनाथ घार्गे साहेब, पोलीस अधीक्षक अहिल्यानगर यांनी स्थानिक गुन्हे शाखेस अहिल्यानगर शहरामध्ये घरफोडीचे गुन्हे करणारे आरोपींची माहिती काढुन गुन्हे उघडकीस आणणेबाबत आदेशीत केले होते. सदर आदेशाप्रमाणे स्थानिक गुन्हे शाखेचे पोलीस निरीक्षक श्री किरणकुमार कबाडी यांचे मार्गदर्शनाखाली स्थानिक गुन्हे शाखेचे पोलीस उपनिरीक्षक राजेंद्र वाघ, पोलीस अंमलदार, रविंद्र पांडे, सुरेश माळी, गणेश धोत्रे, शाहिद शेख, फुरकान शेख, दिपक घाटकर, बिरप्पा करमल, सतिष भवर, रोहीत येमुल, अमृत आढाव, प्रकाश मांडगे, प्रशांत राठोड, भाग्यश्री भिटे, चालक भगवान धुळे यांचे पथक तयार करुन सदर पथकास घरफोडीचे गुन्हे उघडकीस आणणेबाबत पथकास सुचना व मार्गदर्शन करुन पथकास रवाना करण्यात आले होते.
नमुद पथकाने गुन्ह्यातील आरोपींबाबत गोपनिय माहिती व व्यवसायीक कौशल्याचे आधारे माहिती संकलित करुन आरोपीचे शोध घेत असतांना पथकास सदरचा गुन्हा रमेश कुंभार रा. वर्तनगनर ठाणे याने केले असल्याची माहिती मिळाली. दिनांक 16/01/2026 रोजी पथकाने नमुद आरोपीचा शोध घेतला असता तो मिळुन आल्याने त्यास त्याचे नाव गाव विचारता त्याने त्याचे नाव 1) रमेश महादेव कुंभार वय 49 रा. अमाप रेसीडेन्सी, फलॅट नं.203, कशेळी, ठाणेअसे असल्याचे सांगीतले त्यास वरील गुन्हे बाबत विचारपुस करता त्याने सदरचा गुन्हा मी व माझे साथीदार 2) आशीष शिंदे रा. बारामती ता.बारामती जि. पुणे (फरार) अशांनी मिळुन केल्याची कबुली दिली आहे.
त्यानंतर ताब्यातील आरोपीचे ताब्यातुन व आरोपीचे सांगणे प्रमाणे 15,11,475/- रु कि.ची 104.670 ग्रॅम वजनाची सोन्याची लगड, 4,00,000/- रु की.ची मारुती सुझुकी कंपनीची SX4 मॉडेलची कार, 31,000/- रु की.चे सिल्व्हर रंगाचे मोठे 31 मोती, एक कटर, मोठे कटर असा एकुण 19,42,475/- रु कि.चा असा मुद्देमाल जप्त करण्यात आला आहे.
