तालुका प्रतिनिधी : राहुल जयकर
यावल : आदिवासी समाजाच्या प्रश्नांवर सातत्याने कार्य व संघटनात्मक योगदान लक्षात घेऊन आक्रमक युवा नेतृत्व फिरोज लतिफ तडवी (भालोद) यांची आदिवासी एकता मंचच्या यावल तालुका उपाध्यक्षपदी निवड करण्यात आली आहे. तसेच शांत व संयमी युवा नेतृत्व जुम्मा तडवी (भालोद) यांची जिल्हा सहसचिवपदी निवड करण्यात आली.
त्यांच्या निवडीबद्दल समाजातील विविध मान्यवरांनी अभिनंदन करत पुढील कार्यासाठी शुभेच्छा दिल्या. संघटनात्मक बळकटी, आदिवासी हक्क, शिक्षण व सामाजिक विकासासाठी अधिक प्रभावीपणे काम करण्याचा निर्धार फिरोज लतिफ तडवी व जुम्मा तडवी यांनी व्यक्त केला.
दरम्यान, एकता मंचाचे राज्य अध्यक्ष एम. बी. तडवी सर तसेच महानिरीक्षक मनेष तडवी सर यांच्या मार्गदर्शनाखाली राज्य व जिल्हा समितीच्या हस्ते नियुक्ती करण्यात आली. या बैठकीस विविध जिल्हा व तालुका पदाधिकारी, महिला पदाधिकारी, माजी पदाधिकारी तसेच पत्रकार उपस्थित होते. सर्व उपस्थितांनी नव्याने निवड झालेल्या पदाधिकाऱ्यांचे अभिनंदन करून शुभेच्छा दिल्या.
