उपसंपादक : मिलिंद जंजाळे
यावल : दिनांक २३ मार्च रोजी रात्री उशिरापर्यंत यावल पोलीस स्टेशनतर्फे राबविण्यात आलेल्या विशेष काँबिंग ऑपरेशन दरम्यान कायदा व सुव्यवस्था राखण्यासाठी मोठी धडक कारवाई करण्यात आली. या मोहिमेत गुन्हेगार, बेकायदेशीर धंदे व वाहतूक नियमभंग करणाऱ्यांवर कडक कारवाई करत पोलिसांनी आपली सजगता पुन्हा एकदा सिद्ध केली आहे.
या कारवाईत पुढीलप्रमाणे गुन्हे उघडकीस आले व कार्यवाही करण्यात आली :
दारूबंदी अंतर्गत केसेस – २,
गांजा सेवन प्रकरण – १,
ड्रंक अँड ड्राईव्ह – १,
वाहतूक अधिनियमांतर्गत – ११ प्रकरणे, एकूण दंड ₹७,४००,
NBW (नॉन-बेलेबल वॉरंट) – ३ आरोपी ताब्यात,
BW (बेलेबल वॉरंट) – ५ आरोपींवर कारवाई,
हिस्ट्रीशीटर – ४ जणांची तपासणी, त्यापैकी २ जण हजर
या विशेष मोहिमेमुळे गुन्हेगारी प्रवृत्तीला आळा बसण्यास मोठी मदत होणार असून, नागरिकांमध्ये सुरक्षिततेची भावना अधिक बळकट झाली आहे.
यावल पोलिसांनी केलेल्या या आक्रमक कारवाईमुळे अवैध धंदे करणाऱ्यांमध्ये मोठी खळबळ उडाली असून, “कायदा सर्वांसाठी समान आहे” हा स्पष्ट संदेश दिला गेला आहे.
पोलीस प्रशासनाचा इशारा :
गुन्हेगारी कृत्ये, नशेखोरी व वाहतूक नियमांचे उल्लंघन करणाऱ्यांवर यापुढेही अशाच कठोर कारवाया सुरू राहणार असून नागरिकांनी कायद्याचे पालन करावे, असे आवाहन करण्यात आले आहे.
यावल पोलिसांची ही धडक कारवाई म्हणजे गुन्हेगारांसाठी इशारा आणि सर्वसामान्यांसाठी दिलासा ठरत आहे.
