उपसंपादक मन्सूर तडवी
दिनांक १३/९/२६ रोजी जळगाव जिल्हा आदिवासी विकास विभाग कर्मचारी सहकारी पतपेढी मर्या. जळगाव ची ४० वी वार्षिक सर्वसाधारण सभा संस्थेचे चेअरमन मनेष तडवीसर यांच्या अध्यक्षतेखाली अत्यंत उत्साहात व सौहार्दपूर्ण वातावरणात पार पडली.
सभेची सुरुवात मान्यवरांच्या हस्ते दीपप्रज्वलनाने झाली. चेअरमन मनेष तडवी यांनी उपस्थित सभासद, अधिकारी व कर्मचाऱ्यांचे स्वागत केले व पतपेढीच्या प्रगतीचा आणि आर्थिक व्यवहारांचा लेखाजोखा मांडला. सभासदांचे सहकार्य व कर्मचाऱ्यांचे परिश्रम यामुळेच पतपेढी प्रगतीपथावर असल्याचे त्यांनी सांगितले.
सभेत वार्षिक अहवाल, ताळेबंद, नफा-तोटा पत्रकासह विषयपत्रिकेवरील सर्व विषयांना सर्वानुमते मंजुरी देण्यात आली. यावेळी गुणवंत पाल्यांचा व सेवानिवृत्त कर्मचाऱ्यांचा सत्कार करण्यात आला.
याप्रसंगी व्हाईस चेअरमन विनोद पाटील, सचिव अविनाश शिवरामे, संचालक मनोज ठाकरे, विलास भाई, अर्चना ताई पाटील, मनोज पिंगळे, एल.एम. पाटील, प्रशांत बोदवडे, अलका सरदार, दस्तगीर तडवी, गुळवे सर, व्यवस्थापक नरेंद्र अकोले, सागर कोल्हे यांच्यासह आदिवासी विकास विभागातील सभासद मोठ्या संख्येने उपस्थित होते.
सभेचे सूत्रसंचालन रोहन महाजन यांनी केले तर आभार मनोज पिंगळे यांनी मानले.
