तालुका प्रतिनिधी:- राहुल जयकर
सांगवी बु., दि. २२ सप्टेंबर २०२६ : आज झालेल्या १७ वर्षे वयोगटातील जिल्हास्तरीय बॉक्सिंग स्पर्धेत ज्योती विद्या मंदिर, सांगवी बु. येथील इयत्ता अकरावी कला शाखेतील विद्यार्थी सम्राट नितीन मेघे याने उत्कृष्ट कामगिरी करत विजेतेपद पटकावले.
सम्राट मेघेच्या या उल्लेखनीय कामगिरीमुळे त्याची नाशिक येथे होणाऱ्या विभागीय बॉक्सिंग स्पर्धेसाठी निवड झाली असून तो विभागीय स्पर्धेस पात्र ठरला आहे. त्याच्या या यशामुळे ज्योती विद्या मंदिर, सांगवी बु. शाळेच्या शिरपेचात आणखी एक मानाचा तुरा रोवला गेला आहे.
सम्राटच्या यशाबद्दल त्याचे पालक, शिक्षक, क्रीडा मार्गदर्शक, मित्रपरिवार तसेच ज्योती विद्या मंदिर परिवाराकडून अभिनंदन करण्यात येत असून, नाशिक येथे होणाऱ्या विभागीय स्पर्धेसाठी त्याला हार्दिक शुभेच्छा देण्यात येत आहेत.
“जिद्द, मेहनत आणि आत्मविश्वासाच्या जोरावर सम्राटने मिळवलेले हे यश निश्चितच कौतुकास्पद आहे. विभागीय स्पर्धेतही त्याने दमदार कामगिरी करून शाळेचे व सांगवी बु. गावाचे नाव उज्ज्वल करावे,” अशा शुभेच्छा यावेळी व्यक्त करण्यात आल्या.
