आदिवासी तडवी भिल्ल महापंचायत यांची प्रकल्प अधिकारी यांच्याकडे मागणी
उपसंपादक मन्सूर तडवी
रावेर तालुक्यातील पाल येथील गट नंबर २८८ मधील आदिवासी विकास विभागाच्या ८० आर जागेवर काही नागरिकांकडून अतिक्रमण होत आहे. भविष्यात ही जागा मोकळी करणे अवघड होईल या भीतीने आदिवासी तडवी भिल्ल महापंचायत चे पद अधिकारी यांनी यावल येथील प्रकल्प अधिकारी यांना निवेदन दिले आहे.
महापंचायतीच्या म्हणण्यानुसार सद्या तरुण मुलांसाठी भरतीपूर्व शारीरिक प्रशिक्षण, व्यायाम किंवा इतर भरती निहाय प्रशिक्षणासाठी आदिवासी मुलांसाठी कोणतीच सुविधा उपलब्ध नाही. त्यामुळे ग्रामपंचायतीकडे स्वतःची जागा नसल्याने पाल परिसरातील आदिवासी तरुण भरतीपासून वंचित राहत आहेत.
या पार्श्वभूमीवर सदर भूखंड जागा आदिवासी प्रकल्प विभाग यावल मार्फत विकसित करून द्यावी. ग्रामपंचायतीची याला कोणतीही हरकत नाही. किंवा सदर जागा ग्रामपंचायतीकडे हस्तांतरित करावी जेणेकरून त्या ठिकाणी कौशल्य विकास प्रशिक्षण केंद्र सुरू करून तरुणांना भरतीचा सराव घेता येईल अशी मागणी निवेदनात करण्यात आली.
निवेदन देताना उपस्थित:
महापंचायत चे अध्यक्ष रशीद सुभान तडवी, कार्याध्यक्ष सौ. मीना राजू तडवी, हिशोब तपासणीस मुख्तार फकिरा तडवी, ज्येष्ठ सल्लागार मुनाफजुम्मा तडवी, ज्येष्ठ सल्लागार हबीब नबाब तडवी ज्येष्ठ सल्लागार कामिल नामदार तडवी, राज्य प्रसिद्धी प्रमुख मन्सूर तडवी, राज्य सदस्य फिरोजअबाज तडवी, राज्य सदस्य नशीर इब्राहिम तडवी, राज्य सदस्य उस्मान रमजान तडवी, राज्य सदस्य हुसैन जहांगीर तडवी, आरिफ तडवी हे पदाधिकारी उपस्थित होते. आणि सहाय्यक प्रकल्प अधिकारी जावेद तडवी युनूस तडवी यांनी वेळ प्रसंगी मदत करण्याचे आश्वासन दिले यावेळी प्रकल्प अधिकारी अरुण पवार यांनी यासंदर्भात सांगितले की शासनाला पाठपुरावा करून भविष्यात आदिवासी विद्यार्थ्यांना नक्कीच फायदा होईल याची गव्हाही देण्यात आली तसेच ज्येष्ठ सल्लागार मुनाफ तडवी यांनी सातपुडा पर्वतातील नैसर्गिक वनस्पती जडीबुटी पासून होणारे फायदे यापासून सुशिक्षित बेरोजगारांना रोजगाराची संधी कशी उपलब्ध होईल असे यावेळी नमूद करण्यात आले आणि आदिवासी विभागाकडून पाल तालुका रावेर येथे भेट देऊन रोजगारासाठी मार्गदर्शन करावे असे प्रकल्प अधिकारी अरुण पवार यांना महापंचायतचे पदाधिकारी यांनी विनंती केली
