उपसंपादक :-मिलिंद जंजाळे
क्रांतीसूर्य महात्मा जोतिराव फुले यांच्या जयंतीनिमित्त साकळी गावात विचारांचा जागर अनुभवायला मिळणार आहे. दि. ११ एप्रिल २०२६ रोजी सायं. ५ वाजता महात्मा ज्योतिबा फुले चौक, साकळी येथे भव्य जाहीर व्याख्यानाचे आयोजन करण्यात आले असून, गावात उत्साहाचे वातावरण निर्माण झाले आहे.
सामाजिक समता, शिक्षणाचा प्रसार आणि स्त्री-पुरुष समानतेचा क्रांतिकारी संदेश देणाऱ्या महात्मा फुले यांच्या विचारांचे बीज समाजात अधिक दृढ करण्यासाठी हा प्रेरणादायी उपक्रम राबविण्यात येत आहे.
एकपात्री प्रयोग ठरणार आकर्षणाचा केंद्रबिंदू!
या कार्यक्रमाचे विशेष आकर्षण म्हणजे मान्यवर वक्ते राजेंद्र माळी (वाघळीकर) यांचा “मी ज्योतिराव फुले बोलतोय!” हा प्रभावी एकपात्री प्रयोग. या माध्यमातून ते महात्मा फुले यांच्या संघर्षमय जीवनाचा आणि समाज परिवर्तनाच्या कार्याचा जिवंत आढावा सादर करणार आहेत.
विचारांचा दीप प्रज्वलित करण्याचे आवाहन
समाजातील सर्व घटक—विद्यार्थी, युवक, महिला आणि ग्रामस्थांनी मोठ्या संख्येने उपस्थित राहून या विचारप्रबोधनात्मक कार्यक्रमाचा लाभ घ्यावा, असे आवाहन समस्त माळी समाज साकळी प्रेरित क्रांतीसूर्य महात्मा ज्योतिबा फुले जयंती उत्सव समितीतर्फे करण्यात आले आहे.
सामाजिक जागृतीचा नवा अध्याय
साकळीतील हा कार्यक्रम केवळ जयंती उत्सव नसून, समता, शिक्षण आणि सामाजिक न्यायाच्या मूल्यांचा पुनर्जागर करणारा एक प्रेरणादायी सोहळा ठरणार आहे.
