जळगाव | प्रतिनिधी : जळगाव शहरातील इच्छादेवी चौफुली परिसरात आज झालेल्या भीषण रस्ता अपघातात एकाचा जागीच मृत्यू झाला असून चार जण गंभीर जखमी झाल्याची प्राथमिक माहिती समोर आली आहे.
अपघाताची माहिती मिळताच पोलीस आणि रुग्णवाहिका घटनास्थळी दाखल झाली. जखमींना तातडीने शासकीय वैद्यकीय महाविद्यालय व रुग्णालयात उपचारासाठी दाखल करण्यात आले आहे. अपघातामुळे काही काळ परिसरात वाहतूक विस्कळीत झाली होती. पोलिसांनी वाहतूक सुरळीत करत अपघाताचा पंचनामा सुरू केला असून अपघाताचे नेमके कारण अद्याप स्पष्ट झालेले नाही.
मृत व्यक्तीची ओळख आणि जखमींची नावे अधिकृतरीत्या जाहीर झाल्यानंतर पुढील माहिती दिली जाईल. पोलिसांकडून या घटनेचा अधिक तपास सुरू आहे.
